اٹک میں زلفی بخاری کی جائیداد کی عوامی نیلامی کا اعلان، رہنما کا سخت ردعمل
اٹک: صوبہ پنجاب کے ضلع اٹک کی انتظامیہ نے نیب (قومی احتساب بیورو) کی ہدایت پر پاکستان تحریک انصاف (پی ٹی آئی) کے رہنما سید ذوالفقار بخاری (زلفی بخاری) کی تقریباً 800 کنال جائیداد کی عوامی نیلامی کا اعلان کیا ہے۔
ضلعی انتظامیہ کے مطابق یہ نیلامی یکم اکتوبر 2025 کو صبح 11 بجے میونسپل کمیٹی جنڈ، ضلع اٹک کے دفتر میں ہوگی۔ نیلامی میں شامل جائیدادیں دو مختلف مواضعات میں واقع ہیں:
موضع نذره طرف عورہ: رقبہ 771 کنال 9 مرلے، ابتدائی بولی 15,750 روپے فی کنال، شیڈول ریٹ 20,000 روپے فی کنال۔
موضع نذره طرف خوره: رقبہ 25 کنال 7 مرلے، ابتدائی بولی 35,000 روپے فی کنال، شیڈول ریٹ 31,500 روپے فی کنال۔
زلفی بخاری کا ردعمل
برطانیہ میں مقیم زلفی بخاری نے اس فیصلے کو ’’پاکستان میں رائج موجودہ ناانصاف قانونی نظام کی ایک جھلک‘‘ قرار دیتے ہوئے کہا:
’’یہ قانون کا سراسر مذاق ہے۔ مجھے سزا صرف اس لیے دی جا رہی ہے کہ میں نے عمران خان کے خلاف وعدہ معاف گواہ بننے سے انکار کیا۔ اگر یہی اس کی قیمت ہے تو مجھے منظور ہے۔‘‘
انہوں نے مزید کہا کہ چاہے ان کی تمام جائیدادیں چھین لی جائیں، وہ عمران خان کی رہائی اور جمہوری پاکستان کی جدوجہد سے پیچھے نہیں ہٹیں گے۔
پس منظر
زلفی بخاری، جو عمران خان کے دورِ حکومت میں وزیر اعظم کے معاون خصوصی برائے اوورسیز پاکستانی رہ چکے ہیں، کا کہنا ہے کہ اس فیصلے کی بنیاد صرف ان کا چند ماہ کے لیے القادر ٹرسٹ کے ڈائریکٹر کے طور پر کام کرنا ہے، جبکہ کوئی مقدمہ ان کے خلاف موجود نہیں۔
نیب کے ترجمان سے مؤقف لینے کی کوشش کی گئی، تاہم اس خبر کی اشاعت تک ان کا ردعمل سامنے نہیں آیا تھا۔
ضلعی انتظامیہ کے مطابق یہ نیلامی یکم اکتوبر 2025 کو صبح 11 بجے میونسپل کمیٹی جنڈ، ضلع اٹک کے دفتر میں ہوگی۔ نیلامی میں شامل جائیدادیں دو مختلف مواضعات میں واقع ہیں:
موضع نذره طرف عورہ: رقبہ 771 کنال 9 مرلے، ابتدائی بولی 15,750 روپے فی کنال، شیڈول ریٹ 20,000 روپے فی کنال۔
موضع نذره طرف خوره: رقبہ 25 کنال 7 مرلے، ابتدائی بولی 35,000 روپے فی کنال، شیڈول ریٹ 31,500 روپے فی کنال۔
زلفی بخاری کا ردعمل
برطانیہ میں مقیم زلفی بخاری نے اس فیصلے کو ’’پاکستان میں رائج موجودہ ناانصاف قانونی نظام کی ایک جھلک‘‘ قرار دیتے ہوئے کہا:
’’یہ قانون کا سراسر مذاق ہے۔ مجھے سزا صرف اس لیے دی جا رہی ہے کہ میں نے عمران خان کے خلاف وعدہ معاف گواہ بننے سے انکار کیا۔ اگر یہی اس کی قیمت ہے تو مجھے منظور ہے۔‘‘
انہوں نے مزید کہا کہ چاہے ان کی تمام جائیدادیں چھین لی جائیں، وہ عمران خان کی رہائی اور جمہوری پاکستان کی جدوجہد سے پیچھے نہیں ہٹیں گے۔
پس منظر
زلفی بخاری، جو عمران خان کے دورِ حکومت میں وزیر اعظم کے معاون خصوصی برائے اوورسیز پاکستانی رہ چکے ہیں، کا کہنا ہے کہ اس فیصلے کی بنیاد صرف ان کا چند ماہ کے لیے القادر ٹرسٹ کے ڈائریکٹر کے طور پر کام کرنا ہے، جبکہ کوئی مقدمہ ان کے خلاف موجود نہیں۔
نیب کے ترجمان سے مؤقف لینے کی کوشش کی گئی، تاہم اس خبر کی اشاعت تک ان کا ردعمل سامنے نہیں آیا تھا۔