نوابزادہ خواجہ محمد خان ہوتی کا بیان: علی امین گنڈاپور کا دور بدعنوانی اور نااہلی سے عبارت تھا
مردان (نمائندہ خصوصی): سابق وفاقی وزیر نوابزادہ خواجہ محمد خان ہوتی نے کہا ہے کہ سابق وزیر اعلیٰ علی امین گنڈاپور کا دورِ حکومت بدعنوانی، اقربا پروری اور نااہلی سے عبارت تھا۔ اُن کے بقول اس دور میں خیبرپختونخوا مکمل طور پر بدانتظامی اور کرپشن کی لپیٹ میں رہا، جس کے منفی اثرات آج بھی عوام بھگت رہے ہیں۔
نوابزادہ خواجہ محمد خان ہوتی نے مردان پریس کلب میں میڈیا سے گفتگو کرتے ہوئے کہا کہ نو منتخب وزیر اعلیٰ بھی محض اداکاری کے ماہر ہیں، عملی اقدامات اور عوامی خدمت ان کے ایجنڈے میں شامل نظر نہیں آتی۔ اُنہوں نے کہا کہ صوبہ تباہی کے دہانے پر کھڑا ہے، مہنگائی، بے روزگاری اور امن و امان کی بگڑتی صورتحال نے عوام کا جینا دوبھر کر دیا ہے۔
سابق وفاقی وزیر نے مطالبہ کیا کہ وزیر اعلیٰ سہیل آفریدی، سابق وزیر خوراک اور دیگر وزراء کا سخت احتساب کیا جائے — کیونکہ یہ اُن کے بانی کا سیاسی نعرہ بھی تھا اور ہے۔ اُنہوں نے کہا کہ گورنر خیبرپختونخوا صرف چائے کی دعوتوں تک محدود ہیں اور عوامی مسائل سے لاتعلق ہیں۔
نوابزادہ خواجہ محمد خان ہوتی نے مزید کہا کہ حکومت کے طرزِ عمل سے واضح ہے کہ عوامی فلاح و بہبود ان کی ترجیحات میں شامل نہیں۔ اگر یہی روش برقرار رہی تو صوبے کا مستقبل شدید خطرات سے دوچار ہو جائے گا۔
انہوں نے آخر میں حکومت سے مطالبہ کیا کہ کرپشن کے خاتمے، شفاف احتساب، اور عوامی مسائل کے حل کے لیے فوری اور سنجیدہ اقدامات کیے جائیں، ورنہ عوام سڑکوں پر نکلنے پر مجبور ہوں گے۔
نوابزادہ خواجہ محمد خان ہوتی نے مردان پریس کلب میں میڈیا سے گفتگو کرتے ہوئے کہا کہ نو منتخب وزیر اعلیٰ بھی محض اداکاری کے ماہر ہیں، عملی اقدامات اور عوامی خدمت ان کے ایجنڈے میں شامل نظر نہیں آتی۔ اُنہوں نے کہا کہ صوبہ تباہی کے دہانے پر کھڑا ہے، مہنگائی، بے روزگاری اور امن و امان کی بگڑتی صورتحال نے عوام کا جینا دوبھر کر دیا ہے۔
سابق وفاقی وزیر نے مطالبہ کیا کہ وزیر اعلیٰ سہیل آفریدی، سابق وزیر خوراک اور دیگر وزراء کا سخت احتساب کیا جائے — کیونکہ یہ اُن کے بانی کا سیاسی نعرہ بھی تھا اور ہے۔ اُنہوں نے کہا کہ گورنر خیبرپختونخوا صرف چائے کی دعوتوں تک محدود ہیں اور عوامی مسائل سے لاتعلق ہیں۔
نوابزادہ خواجہ محمد خان ہوتی نے مزید کہا کہ حکومت کے طرزِ عمل سے واضح ہے کہ عوامی فلاح و بہبود ان کی ترجیحات میں شامل نہیں۔ اگر یہی روش برقرار رہی تو صوبے کا مستقبل شدید خطرات سے دوچار ہو جائے گا۔
انہوں نے آخر میں حکومت سے مطالبہ کیا کہ کرپشن کے خاتمے، شفاف احتساب، اور عوامی مسائل کے حل کے لیے فوری اور سنجیدہ اقدامات کیے جائیں، ورنہ عوام سڑکوں پر نکلنے پر مجبور ہوں گے۔